"Latsio" futbolchisi La Ligaga ko'chib o'tdi

Ispaniyaning "Kadis" klubi "Latsio" bilan yarim himoyachi Gonsalo Eskalanteni ijaraga olish borasida kelishuvga erishdi.

Ijara joriy yilning iyun oyi oxirigacha mo'ljallanadi.

Kelishuv agar "Kadis" La Ligada qolsa, futbolchini sotib olish imkoniyatini ko'zda tutadi. 18 turdan keyin jamoa 19-o'rinni egallab turibdi.

29 yoshli futbolchi allaqachon tibbiy ko'rikdan o'tgan va jamoa bilan mashg'ulotlarga kirishgan.

Eskalante mavsumning birinchi yarmini "Kremoneze" safida ijara asosida o'tkazdi. U 10 uchrashuvda 1 ta golli uzatmani amalga oshirdi.