"Leyptsig" rahbariyati Roysning ehtimoliy transferi haqida fikr bildirdi

"Leyptsig" sport direktori Maks Eberl "Borussiya" sardori Marko Roys bilan shartnoma imzolashi mumkinligi haqida gapirdi.

Mish-mishlarga ko'ra, 33 yoshli yarim himoyachi "Borussiya" bilan shartnomani uzaytirishdan manfaatdor emas, chunki go'yoki ular u bilan hamkorlikni davom ettirish borasida hali muzokara o'tkazmagan. "Manchester Yunayted" va "Leyptsig" Roysni o'z safiga qo'shib olish niyatida.

"Leyptsig" sport direktori Sky Sport nashriga bu haqiqat emasligini aytdi: "Biz yozgi transferlar oynasi haqida puxta o'ylaymiz, tekin transferlarga e'tibor qaratamiz. Ha, biz Roys vakili bilan uchrashdik, lekin biz asosan kofe ichdik va o'yinchi haqida kam gaplashdik" - dedi Eberl.

Eslatib o'tamiz, Mark butun klubdagi faoliyatini Germaniyada o'tkazgan va 2012 yildan buyon "arilar" tarkibida o'ynab kelmoqda. Yarim himoyachsi joriy mavsumda 12 ta o'yinda maydonga tushib, 3 ta gol urdi va 4 ta golli uzatmani amalga oshirdi.