"Chelsi" taklif yuborishdan to'xtamayapti - endi 100 million evro va Zieshni taklif qildi

Calciomercatoweb sayti xabariga ko'ra, "Chelsi" Lissabonning "Benfika" klubiga yarim himoyachi Entso Fernandes uchun yangi taklif bilan chiqdi.

Qayd etilishicha, londonliklar argentinalik futbolchi uchun 100 million evro, shuningdek, marokashlik futbolchi Hakim Zieshni taklif qiladi. "Benfika" avvalroq "Chelsi"ning Fernandesni qo'lga kiritishga urinishlarini rad etgandi. Argentinalik uchun tovon puli 120 million evro qilib belgilangan.

Eslatib o'tamiz, Fernandes Argentina terma jamoasi tarkibida 2022 yilgi jahon chempioni bo'lgandi. Turnirning eng yaxshi yosh futbolchisi sifatida ham e'tirof etildi. Fernandes joriy mavsumda “Benfika” safida 28 ta o'yinda maydonga tushib, 4 ta gol urdi va 6 ta golli uzatmani amalga oshirdi.