"Chelsi" Dyumfris bilan muzokara o'tkazdi

"Chelsi" Ris Jeymsning jarohatidan so'ng o'ng qanot himoyachisi sotib olishga qaror qildi.

90min nashri xabariga ko'ra, London grandi "Inter" bilan Denzel Dyumfrisning transferi bo'yicha muzokara o'tkazgan. Niderlandiyalik futbolchini qo'lga kiritish uchun "ko'klar" taxminan 40 million evro to'lashlari kerak bo'ladi.

Mish-mishlar avvalroq "Chelsi"ni Denzel Dyumfris bilan bog'lagan edi. 26 yoshli futbolchiga APLning boshqa klublari ham qiziqish bildirmoqda.

Aytish joizki, "Chelsi" qishki transfer mavsumida nihoyatda faol. "Ko'klar" yanvar oyida yangi kelganlar uchun 180 million evro sarflagan.