«Chelsi» navbatdagi transferni e'lon qildi

«Chelsi» klubi "PSV"ning 20 yoshli futbolchisi Noni Maduekening transferini e'lon qildi.

Londonliklar o'ng qanot hujumchisi bilan 7,5 yillik shartnoma imzolashdi. Shuningdek, sharntnomada uni bir yil uzaytirish imkoniyati ham belgilab qo'yilgan.

Ma'lumotlarga qaraganda, mazkur transfer narxi 35 mln evroga teng bo'lgan.

«Jahonning eng yaxshi klublaridan biri — «Chelsi» bilan shartnoma imzolaganimdan xursandman. Angliyaga qaytish va Premer-ligada o'ynash — men va oilam uchun orzu edi», — dedi Madueke.

Eslatib o'tamiz, Madueke «Kristal Pelas» va «Tottenxem» akademiyalarida shug'ullangan.

Madueke 2018 yilda "PSV" safiga qo'shilgan bo'lib, shu paytgacha u Eyndxoven jamoasida 80ta o'yinda maydonga tushgan holda 20 gol va 14 assist muallifiga aylandi.