"Barselona" Gyundoganning transferidan voz kechishi mumkin. Buning ikkita sababi bor

"Barselona" "Manchester Siti" yarim himoyachisi Ilkay Gyundoganni o'z safiga qo'shib olmoqchi, biroq 32 yoshli nemis futbolchisining yoshi va maoshi tufayli ushbu transferdan voz kechishi mumkin. Bu haqda Relevo nashri xabar bermoqda.

Manbaga ko'ra, ingliz klubi mavsum oxirida shartnomasi tugaydigan Gyundoganga 12 million evro maosh bilan shartnomani yana bir yilga uzaytirishni taklif qilgan. Biroz vaqt o'tgach, "Manchester Siti" o'z taklifini yaxshilagan.

Oldinroq "Barselona" futbolchi bilan dastlabki shartnoma borasida kelishib olgani, unga ko'ra u 2023 yilning yozida erkin agent sifatida jamoaga qo'shilishi haqida xabar berilgandi. Gyundogan “Manchester Siti”da 2016 yildan o'ynab kelmoqda.