"Liverpul" yozda "Chelsi" futbolchisini o'z safiga qo'shib olmoqchi

"Chelsi" yarim himoyachisi Meyson Maunt yozda "Liverpul"ga o'tishi mumkin. Bu haqda The Guardian xabar bermoqda.

Manbaga ko'ra, yarim himoyachi xizmatlariga "mersisaydliklar" qiziqish bildirmoqda. Shu sababli "ko'klar" angliyalik futbolchi bilan shartnomani uzaytirish bo'yicha yangi muzokaralarni boshlab yuborishdi. Mauntning jamoa bilan amaldagi shartnomasi 2024 yilning yozida yakuniga etadi. Jamoa uni olib qolishga ishonadi. Hozir Meyson haftasiga 75 ming evro oladi - bu klubdagi eng kam maoshlardan biri.

Meyson Maunt - "Chelsi" tarbiyalanuvchisi. U jamoada 17 yildan ortiq faoliyat olib bormoqda. Joriy mavsumda Maunt jamoa safida 26 ta o'yinda 3 ta gol urdi va 6 ta golli uzatmani amalga oshirdi.