Abubakar "Beshiktosh" klubiga o'tmoqda

Kamerunlik hujumchi Vensan Abubakar Turkiyaning “Beshiktosh” klubiga qaytishga yaqin turibdi.

L’Equipe nashrining yozishicha, bir necha jahon chempionatlari ishtirokchisi Istanbul jamoasi bilan 2,5 yillik shartnoma imzolaydi. Xabar qilinishicha, hujumchining maoshi bir million evroga kamaytiriladi va uch million evro oladi.

Eslatib o'tamiz, avvalroq "An-Nasr" klubi xorijlik futbolchilarga qo'yilgan limitga rioya qilish maqsadida Krishtianu Ronaldu bilan shartnoma imzolashi munosabati bilan Abubakarni ro'yxatdan chetlatgan edi.

Transfermarkt portali 30 yoshli kamerunlik futbolchining narxini besh million evroga baholamoqda. Avvalroq Vensan 2016/2017 va 2020/2021 yilgi mavsumlarda “Beshiktosh” safida ikki marta o'ynagan.