"Benfika" "Barselona"ning transfer bozoridagi maqsadini "urib" ketdi

"Vulverxempton" hujumchisi Gonsalu Gedesh "Benfika"ga o'tdi.

"Benfika" "Barselona" qiziqish bildirayotgan 26 yoshli futbolchini ijaraga olish bo'yicha kelishib oldi.

Insayder Matteo Morettoning so'zlariga ko'ra, futbolchi allaqachon Portugaliyaga yo'l olgan. Shartnoma iyun oyigacha mo'ljallangan, unda qaytarib sotib olish imkoniyati yo'q.

Eslatib o'tamiz, avvalroq ispan OAVlari "Barselona" ustozi Xavi Ernandes "Atletiko"ga o'tishga qaror qilgan Memfis Depay o'rniga Gedeshni jamoaga olib kelish niyatida ekanligi haqida xabar bergan edi.

Premer-liganing joriy mavsumida portugaliyalik futbolchi 13 o'yinida futbolchi bitta gol urdi va bitta golli uzatmani amalga oshirdi.