"Bavariya"ga o'z darvozabonini sotayotgan "Borussiya" Frantsiya chempionatidan yangi posbon topdi
/ Kiritdi: BestMaster Ko'rilgan: 84
Menxengladbaxning "Borussiya" klubi Frantsiyaning "Monpele" klubi bilan shveytsariyalik darvozabon Yonas Omlin transferi borasida kelishuvga erishdi. Bu haqda Germaniyaning Sky Sport Germany nashri xabar bermoqda.
Manba bergan xabarga ko'ra, "Borussiya" Omlin bilan 2027 yilgacha mo'ljallangan shartnoma borasida og'zaki kelishib olgan. Qayd etilishicha, "Borussiya" Omlin transferini Yan Zommerning "Bavariya"ga o'tishi uchun olingan pul evaziga sotib olishi mumkin.
29 yoshli Omlin 2020 yildan beri "Monpele"da o'ynab kelmoqda. Shveytsariyalik darvozabon jamoa tarkibida 74 ta o'yin o'tkazib, 15 ta o'yinda o'z darvozasi dahlsizligini saqlab qolgan. Uning "Monpele" bilan shartnomasi 2024 yilgacha mo'ljallangan.
Bosh sahifaga
217