«MYu» de Ligtga katta maosh taklif qildi

«Manchester Yunayted» klubi «Ayaks» himoyachisi Mateys de Ligtni qo'lga kiritishni istamoqda.

Diario Sport tarqatgan xabarga ko'ra, mankunianliklar 19 yoshli futbolchi uchun 12,3 million funt sterling (taxminan 14 million evro) miqdorida yillik maosh taklif qildi.

Avvalroq «Barselona» de Ligt uchun amsterdamliklarga 74 million evro taklif qilayotgani haqida xabar tarqalgan edi. Ammo "ko'k-anorranglilar" futbolchining o'ziga buncha maosh bermoqchi emas.

Futbolchi ushbu mavsumda «Ayaks» safida barcha musobaqalar doirasida 55ta o'yinda maydonga tushib, 7ta gool urdi va 4ta golga assistentlik qildi.