"MYu" "Ayaks"ning yana bir futbolchisini o'z safiga qo'shib olmoqchi

"Ayaks" markaziy himoyachisi Yurren Timber yana "Manchester Yunayted"ning qiziqishlari doirasiga tushib qoldi.

21 yoshli futbolchining "qizil iblislar"ga o'tishi mumkinligi haqidagi mish-mishlar Erik ten Xag "MYu" tayinlanganidan so'ng darhol paydo bo'lgandi. Kelishuv amalga oshmagan, biroq "Manchester Yunayted" niderlandiyalik futbolchini sotib olishdan umidini uzmagan, deb yozmoqda The Sun nashri. Yaqin vaqtlar ichida klub markaziy himoyachining transferi borasidagi ishlarni qayta boshlashi mumkin.

Yurren Timberning qiymati 45 million evroga baholangan. Joriy mavsumda futbolchi "Ayaks" safida 23 ta uchrashuvda ishtirok etib, 2 ta golli uzatmani amalga oshirgan.