Bellingem "Real"dan og'zaki taklif oldi

"Borussiya" klubining iqtidorli yarim himoyachisi Jud Bellingemga "Real"dan og'zaki taklif kelib tushdi. Bu haqda Ispaniyaning Marca nashri xabar bermoqda.

Manbaga ko'ra, Bellingem taklif qilingan shartnoma muddati va maosh miqdori haqida og'zaki ma'lumot olgan. "Real" yarim himoyachi bilan tezroq kelishuvga erishmoqchi.

Transfermarkt portali 19 yoshli Jud Bellingemni 110 million evroga baholamoqda.

Aytish joizki, Jud Bellingem ko'plab Evropa gigantlarining nishonida turibdi, xususan, futbolchiga "Liverpul" ham qiziqish bildirmoqda.