"Vulverxempton" futbolchisi "Valensiya"ga qaytishni o'ylamoqda

"Vulverxempton"ning portugaliyalik vingeri Gonsalo Gedesh Ispaniyaning "Valensiya" klubiga qaytishga qiziqmoqda.

Jurnalist Ektor Gomesning yozishicha, futbolchi agenti Jorje Mendeshdan "Valensiya"ga qaytarishni so'ragan. Qayd etilishicha, “ko'rshapalaklar” rahbariyati futbolchiga qiziqish bildirmoqda.

Eslatib o'tamiz, Gedesh o'tgan yilning avgust oyida 27,5 million funt evaziga “bo'rilar” safiga kelib qo'shilgan edi. "Vulverxempton" safida barcha musobaqalarda 18 ta o'yinda Gonsalo atigi ikkita gol urgan. Avvalroq forvard 2017 yildan 2022 yilgacha “Valensiya” safida to'p surgan.