"Chelsi" qishda Mudrikning transferidan keyin yana ikki futbolchini o'z safiga qo'shib olmoqchi

Mixail Mudrikning transferi "Chelsi" uchun qishki transfer oynasidagi oxirgisi bo'lmaydi.

Bugun ertalab 22 yoshli futbolchi London klubiga o'tish uchun tibbiy ko'rikdan muvaffaqiyatli o'tdi. "Chelsi" APLning 20-turidan o'rin olgan bugungi o'yinda o'z maydonida "Kristal Pelas"ni qabul qiladi va Mudrik ushbu o'yinga tashrif buyuradi, deb xabar bermoqda Ben Jeykobs.

Qayd etilishicha, Mudrikning "Shaxtyor"dan 100 million evroga transferi "Chelsi"ning qishki transfer oynasidagi so'nggi transferi bo'lmaydi. Kutilganidek, klub yana kamida ikkita transferni amalga oshiradi.

"Chelsi"ga qishdayoq to'rt nafar futbolchi qo'shildi. Londonliklar Benua Badiashileni 38 million evro, Andre Santosni 12,5 million va David Fofanani 12 million evroga sotib oldilar, shuningdek, Joau Feliksni “Atletiko”dan 11 million evroga ijaraga olishdi.

Mudrik transferidan oldin londonliklar qishki transferlar uchun 73,5 million evro sarflashgan.