"Arsenal" Vlaxovichga bo'lgan qiziqishni yo'qotmagan

"Yuventus" hujumchisi Dushan Vlaxovich hamon "Arsenal"ning nishonida qolmoqda.

La Repubblica nashri xabariga ko'ra, London klubi yozgi transfer oynasida serbiyalik futbolchining transferi bo'yicha taklif bilan chiqishi mumkin.

Qayd etilishicha, Dushan Vlaxovichning o'zi ham "Yuventus"ni tark etib, Premer-ligada o'ynashni xohlamoqda.

Yanvar oyi oxirida Dushan Vlaxovich 23 yoshga to'ladi. Transfermarkt portali serbiyalik futbolchini 80 million evroga baholamoqda.

Dushan Vlaxovich "Yuventus" safida 36 ta rasmiy o'yin o'tkazgan. Ularda hujumchi 16 ta gol urdi va sheriklariga 4 ta samarali uzatma berdi.