"Lester" "Fiorentina"ning argentinalik futbolchisini 30 million funtga sotib oladi

"Lester" "Fiorentina" yarim himoyachisi Niko Gonsalesni o'z safiga qo'shib oladi, deb yozmoqda Fabritsio Romano.

Manbaga ko'ra, klublar o'rtasida muzokaralar davom etmoqda. "Binafsharanglar" "tulkilar"dan 30 million funtli taklif olgan. Futbolchi "Lester" bilan shaxsiy shartnoma shartlarini kelishib olgan.

24 yoshli argentinalik futbolchining "Fiorentina" bilan shartnomasi 2026 yilning yoziga qadar amal qiladi. Joriy mavsumda uning hisobida 11 ta o'yin va 5 ta gol bor.