"MYu" futbolchisi Chempionship klubiga yo'l olishi mumkin

Qanot himoyachisi Fakundo Pelistri qishki transfer oynasida “Manchester Yunayted”ni tark etishi mumkin.

The Telegraph nashri xabariga ko'ra, chempionshipda o'ynaydigan va APLga qaytishga da'vo qilayotgan "Uotford" 21 yoshli futbolchini ijaraga olishi kutilmoqda.

Qayd etilishicha, “Uotford” bosh murabbiyi Slaven Bilich Urugvay terma jamoasi safida Fakundo Pelistrining jahon chempionatidagi o'yinlaridan hayratda qolgan. Futbolchi transferga qiziqish bildirishi mumkin, chunki u ko'proq o'yin amaliyotiga ega bo'lishni kutmoqda.

Fakundo Pelistri seshanba kuni "Manchester Yunayted"ning asosiy jamoasi tarkibida "Charlton"ga qarshi o'yinda maydonga tushdi.