Rasman! Feliks - "Chelsi" futbolchisi

Londonning "Chelsi" klubi o'zining rasmiy saytida “Atletiko” klubining hujumkor yarim himoyachisi si va Portugaliya terma jamoasi a'zosi Joau Feliksni ijaraga olganini e'lon qildi.

Feliksning "Chelsi" bilan shartnomasi joriy mavsum oxirigacha amal qiladi. Portugaliyalik futbolchining London klubi bilan shartnomasida sotib olish varianti ko'zda tutilmagan.

Avvalroq OAVda "Chelsi" futbolchining mavsum oxirigacha ijarasi uchun Madridga 11 million evro to'lashi, shuningdek, Feliksning maoshi bilan bog'liq barcha xarajatlarni o'z zimmasiga olishi haqida xabarlar tarqalgan edi.