Feliksning "Chelsi"ga o'tishi tafsilotlari ma'lum bo'ldi

Hujumchi Joau Feliks tez orada "Atletiko"dan "Chelsi"ga o'tadi.

London klubi 23 yoshli portugaliyalik futbolchining ijara transferi borasida joriy mavsum oxirigacha kelishib oldi. Ma'lumotlarga ko'ra, ijara "ko'klar"ga 11 million evroga tushadi.

Jurnalist Ben Jeykobsning ijtimoiy tarmoqlarda yozishicha, dekabr oyida "Chelsi" Joau Feliks variantidan voz kechgan. Vaziyat so'nggi 48 soat ichida bir nechta ichki uchrashuvlardan so'ng, xususan, Grem Potter ishtirokidagi uchrashuvdan so'ng o'zgardi. Natijada "Chelsi" "Atletiko"ning shartlarini qabul qildi.

Qayd etilishicha, "Chelsi" Joau Feliksni sotib ololmaydi. Londonliklar bu bandni shartnomaga kirita olmadilar.