Arteta "Arsenal"ga "Barselona" himoyachisini olib kelmoqchi

"Arsenal" bosh murabbiyi Mikel Arteta "Barselona" himoyachisi Erik Garsiyani jamoasiga taklif qilmoqchi.

Sport nashri xabariga ko'ra, "kanonirlar" futbolchini mavsum oxirigacha ijaraga olishga yoki doimiy ravishda sotib olishga tayyor. Ko'p narsa "Barselona"ning pozitsiyasiga bog'liq bo'ladi.

Garsiya hozirda "ko'k-anorranglilar"ning zaxira himoyachisi hisoblanadi. Ronald Arauxo jarohatidan forig' bo'lgach, ispaniyalik futbolchi asosiy tarkibda maydonga tushmayapti.

Arteta avvalroq Garsiya bilan "Manchester Siti"da bosh murabbiy yordamchisi bo'lganida birga ishlagan.