"Real" "Bavariya"ning talablarini qondirishga tayyor emas

"Real" qiziqishlari orasida "Bavariya" va Kanada terma jamoasining chap qanot himoyachisi Alfonso Devis bor.

Madridliklar 22 yoshli futbolchini kelasi yozda sotib olishni kutmoqda. Biroq, El Naciona nashri xabariga ko'ra, Devisning transferi amalga oshmasligi mumkin. Chunki, "Real" "Bavariya"ning transfer narxi bo'yicha talabini qondirishga tayyor emas. Sababi, myunxenliklar Devisni 80-90 million evroga sotishni rejalashtirmoqda.

Alfonso Devis 2019 yil boshida "Vankuver"dan transfer qilingan. Myunxen klubi tarkibida 134 uchrashuvda qatnashgan kanadalik futbolchi 6 ta gol urdi va sherigiga 21 ta samarali uzatma berdi.