"Valensiya" sobiq futbolchisini ortga qaytarmoqchi

"Valensiya" qishki transfer oynasida o'rta chiziqni kuchaytirish variantlarini qidirmoqda.

Estadio Deportivo nashri xabariga ko'ra, "ko'rshapalaklar" yarim himoyachi Fransis Koklenni o'z safiga qaytarishi mumkin. Frantsiyalik futbolchi 2018-2020 yillarda “Valensiya” safida o'ynagan, biroq keyinchalik o'zi hozirda o'ynayotgan “Vilyarreal”ga o'tgandi.

Fransis Koklen 31 yoshda. Uning narxi 5 million evroga baholanmoqda.

Bir vaqtlar Fransis Koklen “Valensiya” safida 89 ta rasmiy o'yin o'tkazgan. Ularda frantsiyalik yarim himoyachi bitta gol urgan va jamoadoshlariga uchta samarali uzatma bergan.