«Real» ketma-ket 4-transfer oynasida Azarni sotuvga qo'ydi

«Real» rahbariyati yarim himoyachi Eden Azar qutulishni istamoqda. Belgiyalik futbolchi yuqori formaga chiqa olmayotgani uchun Karlo Anchelottining hafsalasini pir qilgan. Shu bois, «Qirollik klubi» ketma-ket 4-transfer oynasida Azarni sotuvga qo'ydi.

«Real» mazkur qishki transferda ham Eden uchun yangi jamoa topishga harakat qiladi. Futbolchi deyarli o'yinga tushmagan holda «Madrid»da yuqori maosh olmoqda —  15 mln evro.

«Real» prezidenti Florentino Peres ayni paytda Azarni sotishning imkoni yo'qligini tushunib turibdi. Hattoki futbolchini boshqa jamoaga ijaraga berish ham qiyin bo'lib qoldi.

Eden esa mavsum o'rtasida jamoani tark etishni istamayapti. Uning klub bilan shartnomasi 2024 yilning yoziga qadar tuzilgan.

Shu kunlarda Azarning agentlari Madridga tashrif buyurib, vaziyatni o'rganishadi.