"Chelsi" o'z futbolchisini yanvar oyida qo'yib yuborishga tayyor

"Chelsi" vingeri Kristian Pulishich yaqin orada klubini o'zgartirishi mumkin.

24 yoshli futbolchi Grem Potter jamoasida asosiy tarkibda doimiy o'ringa ega emas va London klubi amerikalik futbolchi uchun takliflarni ko'rib chiqishga tayyor, deb xabar beradi CaughtOffside. Variantlardan biri - mavsum oxirigacha ijaraga berish. Shuningdek, ta'kidlanishicha, Pulishich ketgan taqdirda "Chelsi" uning o'rniga boshqa vinger sotib olishi mumkin.

Kristian Pulishich joriy mavsumda “ko'klar”ning 21 o'yinida maydonga tushib, bitta gol va ikkita golli uzatmaga mualliflik qilgan. Uning narxi 38 million evroga baholanmoqda.