"Arsenal" "Atletiko" bilan Feliksning ijara narxini kamaytirish borasida muzokara olib bormoqda

"Arsenal" Madridning "Atletiko" klubi hujumchisi Joau Feliksni ijaraga olmoqchi. Bu haqda Daily Mail nashri xabar bermoqda.

Manbaga ko'ra, madridliklar bu kelishuv uchun 15 million evro talab qilmoqda va qo'shimcha xarajatlarni hisobga olgan holda, bu summa 18 million evrogacha oshadi. "Arsenal" bunday xarajatlarga tayyor emas, shu bois ular ijara narxini kamaytirish bo'yicha kelishib olish niyatida. O'z navbatida "Manchester Yunayted" ham Feliksni qo'lga kiritmoqchi.

23 yoshli Feliks joriy mavsumda barcha musobaqalarda 19 ta o'yinda 5 ta gol urdi va 3 ta golli uzatmani amalga oshirdi. Uning "Atletiko" bilan shartnomasi 2026 yilda yakuniga etadi.