Rasman! "Napoli" Polsha terma jamoasi futbolchisini o'z safiga qo'shib oldi

Himoyachi Bartosh Bereshinski "Sampdoriya"dan "Napoli"ga o'tdi.

Italiya A Seriyasi etakchisi 30 yoshli polshalik futbolchini 2022/2023 yilgi mavsum oxirigacha ijaraga oldi. Neapolliklar matbuot xizmatining xabar berishicha, shartnomada uni sotib olish imkoniyati ko'rsatilgan.

Bartosh Bereshinski 2017 yil boshidan buyon "Sampdoriya"da o'ynab kelmoqda. Olti yil davomida polshalik futbolchi genuyaliklar safida 187 ta rasmiy o'yin o'tkazgan. Ularda futbolchi bitta gol va sakkizta golli uzatma muallifiga aylangan.

8 yanvar, yakshanba kuni "Napoli" Italiya chempionati doirasida "Sampdoriya" jamoasi mehmoni bo'ladi.