«Chelsi» 2022/23 yilgi mavsumda himoya chizig'i uchun 233 million evro sarfladi

Londonning «Chelsi» jamoasi «Monako» himoyachisi Benua Badiashileni o'z safiga qo'shib oldi.

Football Daily nashrining xabar berishicha, «aristokratlar» himoyachi uchun 35 million funt (deyarli 40 million evro) to'lab bergan.

«Chelsi» 2022/23 yilgi mavsum avvalida «Napoli»dan Kalidu Kulibalini 34 million funtga (38 million evro atrofida) va «Lester»dan Uesli Fofanani 75 million funtga (deyarli 85 million evro) xarid qilgandi. Shuningdek, «Brayton»dan Mark Kukurelya 63 million evroga (71 million evro atrofida) sotib olindi.

Shu tariqa londonliklar 2022/23 yilgi mavsumda himoyachilar xarid qilish uchun 207 million funt (233 million evrodan ko'proq) pul sarfladi.