"PSJ" Neymar uchun talabni kamaytirgani aytilmoqda

Matbuot Neymarning "PSJ"ni tark etishini faol muhokama qilmoqda.

Avvalroq, Liga 1 peshqadami braziliyalik futbolchini yozgi transfer oynasida sotishga tayyor bo'lishi haqida ma'lumotlar paydo bo'lgandi. Keyinroq parijliklar Neymarni 100 million evroga sotish niyatida ekanligi haqida xabar tarqalgandi.

Endi Fichajes nashri "PSJ" o'z talablarini pasaytirganini xabar qilmoqda. Frantsiya chempioni 50-60 million evro evaziga Neymar bilan xayrlashishga tayyor bo'ladi. "PSJ" uchun transferda imkon qadar ko'p pul ishlab olish emas, balki ular uchun maoshlarni kamaytirish muhim.

Qayd etilishicha, Angliyaning bir nechta klublari Neymarni qo'lga kiritishga urinib ko'rishlari mumkin, bular "Nyukasl", "Chelsi" va "Manchester Siti".