"Napoli" Polsha terma jamoasi futbolchisi bilan shartnoma imzolashga tayyorlanmoqda

"Sampdoriya" himoyachisi Bartosh Bereshinski Italiyaning boshqa klubiga o'tishga yaqin turibdi. Fabritsio Romanoning so'zlariga ko'ra, "Napoli" 30 yoshli polshalik futbolchining yangi klubiga aylanadi.

Bereshinski bugun, 6 yanvar kuni tibbiy ko'rikdan o'tadi va shundan so'ng u neapolliklar bilan shartnoma imzolaydi.

Bartoshning transfer narxi uch million evroga baholanmoqda va uning "Sampdoriya" bilan shartnomasi 2025 yilning o'rtalariga qadar amal qiladi.

2022/2023 yilgi mavsumda himoyachi Italiya chempionatining 15 ta uchrashuvida qatnashib, bitta sariq kartochka oldi.