"Chelsi" Entso Fernandes uchun 90 million evro va bir nafar futbolchisini taklif qildi

Londonning "Chelsi" klubi Lissabonning "Benfika" yarim himoyachisi Entso Fernandesning transferi bo'yicha so'nggi taklifi tafsilotlari ma'lum bo'ldi.

Record Portugal nashri xabariga ko'ra, "ko'klar" argentinalik futbolchini o'z safiga qo'shib olish uchun Hakim Zieshni va 90 million evro taklif qilishgan.

"Benfika" allaqachon o'z javobini bildirgan va "Chelsi"ga 120 million evroni to'lashi yoki e'tiborini boshqa variantlarga qaratishi kerakligini aytdi.

Shuningdek, "Chelsi" "Benfika"ga o'zining yosh futbolchilari - David Datro Fofan va Andrey Santosni ijaraga berishni taklif qilishdi, ammo lissabonliklar bu taklifga ham rad javobini berishdi.

Tomonlar o'rtasida muzokaralar davom etmoqda, biroq kelishuvga erishish dargumon.