Mendesh Ronalduga «Manchester Yunayted»ni tark etmaslikni maslahat bergandi

«An-Nasr» hujumchisi Krishtianu Ronalduning agenti Jorje Mendesh 37 yoshli futbolchiga «Manchester Yunayted»da qolishni maslahat bergandi.

"The Athletic" tarqatgan xabarga ko'ra, Mendesh portugaliyalik futbolchi "MYu" bosh murabbiyi Erik ten Xagning qarorlariga rozi bo'lishni so'ragan. Shuningdek, Ronalduning do'sti va shaxsiy menejeri Rikardu Regufe ham Krishtianuning «MYu»da qolishini istagan.

Ammo Ronalduga zaxira futbolchisiga aylanish yoqmadi. Shuning uchun futbolchining o'zi Evropa klublarida biriga qo'ng'iroq qilgan. Ammo yakunda Saudiya klubi bilan shartnoma imzoladi.