"Bavariya" Keynning transferidan voz kechishga qaror qildi

Myunxenning "Bavariya" klubi Robert Levandovski jamoadan ketganidan so'ng markaziy hujumchi pozitsiyasiga o'yinchi qidirmoqda.

Myunxenliklar uzoq vaqtdan beri "Tottenxem" futbolchisi Xarri Keyn bilan bog'lanib kelgan. Biroq, Bundesliga grandi boshqa nomzodlarga e'tibor qaratdi, deya xabar bermoqda SportBilld nashri.

Gap shundaki, "Bavariya" Xarri Keynning transferini deyarli imkonsiz deb hisoblaydi. Birinchidan, futbolchilar kamdan-kam hollarda Premer-liganing top-klublaridan Bundesligaga o'tadi. Ikkinchidan, Xarri Keyn juda qimmatga tushadi. Uchinchidan, angliyalik futbolchining o'zi ham "Tottenxem"ni sovrinlar sari etaklash niyati haqida bir necha bor gapirgan.

Natijada, "Bavariya" 90 million evroga baholangan 29 yoshli Xarri Keynning transfer variantidan voz kechishga qaror qildi.