"Arsenal" Bellingemning o'yinidan hayratda qolmoqda, lekin bu transferga moliyaviy mablag' to'sqinlik qiladi

Londonning "Arsenal" klubi Dortmundning "Borussiya" klubi yarim himoyachisi Jud Bellingemni o'z safiga qo'shib olishni xohlaydi, ammo bu transferning amalga oshishiga tovon puli to'sqinlik qilmoqda. Oldinroq nemis klubi angliyalik futbolchining transferidan 150 million evro mablag' ishlab olish niyatida ekanligini haqida xabarlar tarqalgan edi.

The Athletic nashri xabariga ko'ra, "Arsenal"ning skautlarini Bellingemning o'yini hayratda qoldirmoqda, biroq klub bitta futbolchi uchun bunday mablag'ni sarflay olmaydi. Shuningdek, "kanonirlar" boshqa jamoalar bilan yuqori raqobatdan cho'chimoqda.

19 yoshli Jud kelasi mavsumda Premer-ligada ishtirok etishi mumkin, chunki uning xizmatlariga "Tottenxem"dan tashqari barcha mahalliy top-klublar qiziqish bildirmoqda.