"Lokomotiv" A Seriya klubi futbolchisini o'z safiga qo'shib olmoqchi

Moskvaning "Lokomotiv" klubi "Verona" himoyachisi Koray Gyunterga qiziqish bildirmoqda. Bu haqda futbolchiga yaqin manba xabar berdi.

Qayd etilishicha, hozircha “temiryo'lchilar”dan aniq taklif bo'lmagan.

28 yoshli futbolchining Italiya klubi bilan shartnomasi 2025 yilning yoziga qadar mo'ljallangan. Joriy mavsumda nemis futbolchi barcha turnirlarda 14 ta o'yinda maydonga tushib, 1 ta gol va 1 ta golli uzatmani amalga oshirdi.