"Benfika" hali Entso Fernandesni "Chelsi"ga qo'yib yuborishga rozilik bermadi

Entso Fernandesning Lissabonning "Benfika" klubidan "Chelsi"ga transferi hali yakunlangani yo'q. Jurnalist Fabritsio Romanoning so'zlariga ko'ra, “burgutlar” hali kelishuvni ma'qullagani yo'q.

Manbaga ko'ra, muzokaralar ilg'or bosqichda, Fernandesning o'zi esa o'tgan chorshanba kuni shaxsiy shartnoma shartlarini kelishib olgan. Biroq, "Benfika" prezidenti Rui Kosta transferni keyingi bosqichga olib chiqish uchun "ko'klar"ga hali ruxsat bermadi.

Agar hammasi joyida ketsa, Entso Angliya Premer-ligasi tarixidagi eng qimmat futbolchilardan biriga aylanadi. Shuningdek, argentinalik futbolchi barcha davrlarning eng qimmat transferlari ro'yxatida oltinchi o'rinni egallaydi.