"Monako" futbolchisi "Chelsi" uchun dastlabki tibbiy ko'rikdan o'tdi

"Monako" himoyachisi Benua Badyashil Londonning "Chelsi" klubiga o'tishga yana bir qadam yaqinlashdi. Jurnalist Fabritsio Romanoning yozishicha, frantsiyalik futbolchi tibbiy ko'rikning birinchi qismidan o'tgan.

Klublar o'zaro kelishuvning barcha tafsilotlarini kelishib olishdi va hujjatlarni imzolashdi. Ushbu transfer "Molde"dan ko'chib o'tgan David Datro Fofanadan keyin "ko'klar"ning ikkinchi transferi bo'ladi.

"Chelsi" markaziy himoyachi sotib olmoqchi edi. "Leyptsig" bilan Yoshko Gvardiol bo'yicha muzokaralarda yuzaga kelgan tushunmovchiliklardan so'ng "ko'klar" e'tiborini Benua Badyashilga qaratishga qaror qilishdi. 22 yoshli frantsiyalik futbolchi London klubiga 35-40 million evro atrofida tushadi.