Rasman! Xorvatiya terma jamoasi himoyachisi "Lion" klubiga ko'chib o'tdi

Xorvatiyalik himoyachi Deyan Lovren Rossiyaning "Zenit" klubidan Frantsiyaning "Lion" klubiga o'tdi. Bu haqda Peterburg jamoasi matbuot xizmati xabar berdi.

"Zenit" futbol klubi Deyan Lovrenga har bir o'yindagi professionalligi va fidoyiligi uchun minnatdorchilik bildiradi va unga yangi klubida omad tilaydi. Hammasi uchun rahmat, sardor! – deyiladi "Zenit"ning rasmiy bayonotida.

Xorvatiyalik himoyachi Angliyaning "Liverpul2 klubidan ko'chib o'tganidan keyin "Zenit"da 2020 yildan beri o'ynab kelayotgandi. "Ko'k-oq-ko'klar" tarkibida Lovren 63 o'yin o'tkazib, uchta gol urdi va uchta golli uzatmani amalga oshirdi. Peterburgliklar bilan birgalikda himoyachi ikki karra mamlakat chempioni bo'ldi va ikki marta Rossiya Superkubogini qo'lga kiritdi.