"Chelsi" va "Brayton" Makallisterning narxi borasida kelisha olmayapti

"Chelsi" qishki transfer oynasida yarim himoyani kuchaytirish imkoniyatlarini o'rganmoqda.

"Brayton" yarim himoyachisi Aleksis Makallister London klubining ro'yxatidan joy olgan. The Athletic nashri xabariga ko'ra, 24 yoshli argentinalik futbolchining narxi 60 million funt (taxminan 68 million evro) bo'lishi mumkin, ammo G'arbiy London klubi futbolchini 35-40 million funt (40-45 million evro) atrofida baholamoqda. Hisob-kitoblardagi farq futbolchining transferi uchun qiyinchilik tug'dirmoqda.

Aleksis Makallister "Brayton" tarkibida 86 ta o'yinda maydonga tushdi. Ularda argentinalik futbolchi 13 ta gol urgan va sheriklariga 6 ta golli uzatma bergan.