Lovren "Lion" bilan qancha muddatli shartnoma imzolagani ochiqlandi

Frantsiyaning "Lion" klubi “Zenit” himoyachisi Deyan Lovren transferini tasdiqladi. 33 yoshli futbolchi frantsuz jamoasi bilan 2025 yilning yoziga qadar shartnoma imzoladi. Bu haqda "Lion" rasmiy sayti xabar berdi.

Oldinroq "Zenit" Lovren ketgani uchun 2 million evro miqdorida tovon puli olishi xabar qilingandi.33 yoshli xorvatiyalik futbolchining Peterburg bilan shartnomasi 2023 yilning yozida yakuniga etadi.

Xorvatiyalik himoyachi 2020 yildan buyon "Zenit"da to'p suradi, u Angliyaning "Liverpul" klubidan o'tgandi. "Ko'k-oq-ko'klar" tarkibida Lovren 63 o'yin o'tkazib, uchta gol urdi va uchta golli uzatmani amalga oshirdi. Peterburgliklar bilan birgalikda himoyachi ikki karra mamlakat chempioni bo'ldi va ikki marta Rossiya Superkubogini qo'lga kiritdi.

Lovren 2010 yilning yanvaridan 2013 yilning yozigacha "Lion" futbolchisi bo'lgan.