"Borussiya" o'z hujumchisiga narx belgiladi

Menxengladbaxning "Borussiya" klubi ushbu qishda ma'lum miqdorda tovon puli evaziga frantsiyalik hujumchi Markus Tyuram bilan xayrlashishga tayyor.

Bild nashrining ma'lum qilishicha, nemis klubi 25 yoshli futbolchini sotishdan kamida 12 million evro ishlab olmoqchi. Tyuramning "Borussiya" bilan shartnomasi joriy mavsum oxirida yakuniga etadi.

Avvalroq OAV Tyuramga "Bavariya", "PSJ", "Inter" va "Manchester Yunayted" klublari qiziqish bildirayotgani haqida xabarlar tarqalgandi.

Hujumchi joriy mavsumda Bundesligada 15 ta o'yinda maydonga tushib, 10 ta gol urdi va 3 ta golli uzatmani amalga oshirdi.