"Chelsi" yana bir xaridni amalga oshirishga yaqin turibdi

"Vasko da Gama" yarim himoyachisi Andrey Santos tez orada "Chelsi"ga o'tadi.

Insayder Fabritsio Romano xabariga ko'ra, 18 yoshli braziliyalik futbolchi bugun tibbiy ko'rikdan o'tish uchun Londonga keladi.

Futbolchi "Chelsi" bilan uzoq muddatli shartnoma imzolaydi. Transfer summasi 12,5 million evroni tashkil qiladi. Qayd etilishicha, Santos ijara asosida "Vasko da Gama"ga qaytmaydi, balki "Chelsi"da qoladi.

2022 yilda Santos Braziliya B Seriyasida 33 ta o'yin o'tkazib, 8 ta gol urdi, 9 ta sariq va 1 ta qizil kartochka oldi. Braziliya U-20 terma jamoasi tarkibida u 4 ta o'yin o'tkazib, 2 ta gol urdi.