"Chelsi" "Sautgempton" futbolchisini kuzatmoqda

"Chelsi" Romeo Lavianing "Sautgempton"dagi muvaffaqiyatini kuzatishda davom etmoqda.

Eslatib o'tamiz, transfer oynasining so'nggi kunlarida "ko'klar" belgiyalik uchun 50 million evro taklif qilishgan, ammo "avliyolar" rad javobini berishgan.

Jurnalist Jeyms Ollining so'zlariga ko'ra, "ko'klar" rahbariyati hozircha Laviani qo'lga kiritish niyatlaridan voz kechmagan. London jamoasi yanvar oyida transferni amalga oshirish uchun yangi urinishlar qilishi mumkin.

Lavia shu yozda "Manchester Siti"dan "Sautgempton"ga ko'chib o'tdi. "Shaharliklar" tarbiyalanuvchisi joriy mavsumda APLning 7 ta o'yinida bitta gol urishga muvaffaq bo'ldi. Bu yagona gol “Chelsi” darvozasiga kiritilgan.