"Bavariya" Pavarning o'rniga Frantsiya chempionatida himoyachi topdi

Myunxenning "Bavariya" klubi agar Benjamin Pavar ketsa, kelasi yozda uning o'rniga kelishi mumkin bo'lgan futbolchini tanladi.

Germaniya matbuotining tarqatgan ma'lumotiga qaraganda, Yulian Nagelsmann jamoasi “Lion” himoyachisi Malo Gyustoni faol kuzatib bormoqda. Shuningdek, himoyachiga "Manchester Yunayted" ham qiziqish bildirmoqda.

"Bavariya" murabbiylarning rejasiga ko'ra, yosh frantsiyalik futbolchi o'ng qanot himoyachisida Pavarning o'rnini bosa oladi.

Eslatib o'tamiz, Benjamin avvalroq "Alyants Arena"ni tark etib, himoya markazida o'ynaydigan klubga o'tish istagini bildirgan edi.

Joriy mavsumda Gyustyo Frantsiya chempionatida 14 ta o'yin o'tkazdi. Bu o'yinlarda futbolchi bitta golli uzatmani amalga oshirdi.