"Ayaks" Zieshni ortga qaytarmoqchi, lekin futbolchiga APL klubidan taklif bor

Amsterdamning "Ayaks" klubi 2020 yilning yozidan buyon Londonning "Chelsi" klubida o'ynayotgan sobiq yarim himoyachisi Hakim Zieshni ortga qaytarmoqchi.

Jurnalist Janluka di Martsioning so'zlariga ko'ra, marokashlik futbolchini shu yozda "Yoxan Kroyff Arena"ga qaytara olmaganidan so'ng, "Ayaks" yanvar oyida transfer muzokaralarini davom ettirishi mumkin.

Shu bilan birga, manba Angliya Premer-ligasida to'p surayotgan Zieshga yana bir da'vogar borligini ham xabar qilmoqda. Gap hozirda turnir jadvalida uchinchi o'rinda borayotgan "Nyukasl" haqida ketmoqda.

Eslatib o'tamiz, Ziesh yaqinda Marokash terma jamoasiga qaytdi va terma jamoaning jahon chempionatining yarim finaliga chiqishiga yordam berdi.