"Sevilya" o'z darvozabonini 50 million evro evaziga qo'yib yuborishi mumkin

Marokash terma jamoasi darvozaboni Yasin Bono oyog'i singanligi sababli ushbu mavsumda safdan chiqqan Manuel Noyerning o'rnini egallashi mumkin.

Marca nashri ma'lumotlariga ko'ra, "Sevilya" o'z darvozabonini qo'yib yuborishga tayyor, ammo 50 million evro evaziga.

Bono yaqindagina Andalusiya klubi bilan shartnomasini 2025 yilgacha uzaytirdi, buning natijasida shartnomadagi tovon puli ham yangilandi. 31 yoshli Bono Marokash terma jamoasi bilan yarim finalgacha etib borgan holda ushbu jahon chempionatining eng yaxshi darvozabonlaridan biriga aylandi. Biroq, "Bavariya" uchun - "Monako"da o'ynayotgan Aleksandr Nyubelning ijaradan qaytishi ustuvor vazifa.