"Chelsi" 19 yoshli Fofana uchun 10 million evro to'lashga tayyor

Jurnalist Fabritsio Romanoning xabar berishicha, "Chelsi" "Molde"ning 19 yoshli hujumchisi David Datro Fofana bilan shartnoma imzolashga yaqin turibdi.

Manbaga ko'ra, London klubi ivuarlik yosh futbolchi uchun 10 million evro to'laydi.

Fofananing "Molde" bilan amaldagi shartnomasi 2024 yil oxirigacha amal qiladi. Transfermarkt portali futbolchini 7 million evroga baholamoqda.

Norvegiya chempionatining joriy mavsumida hujumchi 24 ta o'yin o'tkazib, 15 ta gol urdi va 3 ta golli uzatmani amalga oshirdi. Shuningdek, u Konferentsiyalar ligasining 10 o'yinida to'rtta gol va bitta golli uzatmaga ega.

Premer-liganing joriy mavsumida 14-turdan so'ng “Chelsi” 21 ochko bilan turnir jadvalida sakkizinchi o'rinda bormoqda.