"Atletiko" Feliks bo'yicha "MYu"ning takliflarini ko'rib chiqishga tayyor

"Atletiko" "Manchester Yunayted"ning Joau Feliks bo'yicha keladigan har qanday taklifni ko'rib chiqishga tayyor. Bu haqda jurnalist Nizar Kinsella ijtimoiy tarmoqlarda xabar berdi.

Eslatib o'tamiz, Feliks "qizil iblislar"ning asosiy transfer maqsadlaridan biri hisoblanadi. Jamoa bosh murabbiyi Erik ten Xag Joauni avvalroq "Manchester Yunayted"ni erkin agent sifatida tark etgan Krishtianu Ronalduning o'rnida ko'rmoqda.

Feliks potentsial xaridorlarga 100 million evrodan qimmatga tushadi. Shuningdek, futbolchini "Chelsi" va "Arsenal" klublari ham sotib olishga qarshi emas.

Joau "Atletiko" tarixidagi eng qimmat futbolchi. 2019 yilning yozida "matraschilar" uning uchun "Benfika"ga 120 million evro to'lagandi.