"Liverpul" "Napoli" hujumchisiga qiziqmoqda

"Liverpul" "Napoli" va Meksika terma jamoasi hujumchisi Irving Losanoga qiziqish bildirmoqda, deb xabar bermoqda Daily Mirror.

Manbaning xabariga ko'ra, "qizillar" 27 yoshli vingerni qishki transfer oynasida o'z safiga qo'shib olmoqchi.

Losanoning "Napoli" bilan amaldagi shartnomasi 2024 yilning yoziga qadar mo'ljallangan. Transfermarkt portali meksikalik futbolchini 28 million evroga baholamoqda.

Hujumchi joriy mavsum neapolliklar safida 19 ta o'yinda maydonga tushib, 4 ta gol urdi va 3 ta golli uzatmani amalga oshirdi. Futbolchi 2019 yilning avgust oyidan beri Italiya klubi sharafini himoya qilib kelmoqda. Avvalroq u Niderlandiyaning PSV jamoasida o'ynagan.