Kante «Barselona»ga o'tishga yaqin turibdi

Yarim himoyachi Ngolo Kante «Chelsi»ni tark etganidan keyin faoliyatini qaysi jamoada davom ettirishi aniq bo'ldi.

"Diario Sport" tarqatgan xabarga ko'ra, frantsiyalik futbolchi «Barselona» bilan shartnoma imzolashni istamoqda. Tomonlar bir necha haftadan buyon bu masalada muzokara olib borishmoqda va kelishuvga yaqin turishibdi.

Kataloniyaliklar Kante bilan yanvar oyidayoq shartnoma imzolashlari mumkin. Ammo ko'p narsa 31 yoshli futbolchining operatsiyadan keyingi tiklanish jarayoniga bog'liq.

«Barselona» Ngoloni bepul qo'lga kiritsa-da, undan yuqori maosh talab qilmaslikni so'ramoqda. Boisi, hozirda "ko'k-anorranglilar"ning moliyaviy ahvoli yuqori maosh to'lash imkonini bermaydi.